മലയാലപ്പുഴ ദേവീ ക്ഷേത്രം
Pathanamthitta District, Kerala See in Map
Description

പത്തനംതിട്ടയില്‍ നിന്ന് എട്ടു കിലോമീറ്റര്‍ അകലെ പത്തനംതിട്ട ജില്ലയില്‍ കോന്നി താലൂക്കില്‍ മലയാലപ്പുഴ ഗ്രാമത്തില്‍ സ്ഥിതിചെയ്യുന്ന ലോക  പ്രസിദ്ധമായ ഭദ്രകാളി ക്ഷേത്രമാണ് ക്ഷേത്രമാണ് മലയാലപ്പുഴ ദേവീ ക്ഷേത്രം. പത്തനംതിട്ട ജില്ലയിലെ കുമ്പഴയിൽ നിന്നും കിഴക്കോട്ട് അഞ്ചു കി.മീ.
മാറിയാണ്  മലയാലപ്പുഴ ദേവീക്ഷേത്രം സ്ഥിതിചെയ്യുന്നത്. അച്ചക്കണ്ണാമല, ഉപ്പിടുംപാറമല, ഊട്ടുപാറമല ചെറുകുന്നത്തുമല, പുലിപ്പാറമല എന്നീ അഞ്ചു മല ദൈവങ്ങളുടെ മദ്ധ്യത്തിലാണ് ദേവി കുടികൊള്ളുന്നത്.ആയിരത്തിലധികം  വര്‍ഷത്തെ പഴക്കം  ക്ഷേത്രത്തിനുണ്ടെന്നാണ് വിശ്വാസം . അഭിഷ്ടസിദ്ധിക്കും തൊഴിൽപരമായ ഉയര്‍ച്ചയ്ക്കും  ശക്തി സ്വരൂപിണിയായി മലയാലപ്പുഴയമ്മ മലയാളക്കരയിൽ സർവ്വൈശ്വര്യങ്ങളും ചൊരിഞ്ഞുകൊണ്ടു വാണരുളുന്നു.ഉന്നതിക്കും, മംഗല്യസിദ്ധിക്കും, സന്താനസൗഭാഗ്യത്തിനും എല്ലാം ദേവി അഭീഷ്ടവരദായിനിയായി കുടികൊള്ളുന്നു. നാനാജാതിമതസ്തരും ഒരുപോലെ നേർച്ച അർപ്പിച്ച് ദേവിയുടെ അനുഗ്രഹം നേടുന്നു.

ഐതീഹ്യം
ഉത്തര തിരുവിതാംകൂറിലുള്ള രണ്ടു നമ്പൂതിരിമാര്‍ കൊല്ലൂര്‍ മൂകാംബികാ ക്ഷേത്രത്തില്‍ എത്തി ഭജനയിരുന്നു. അവരുടെ സന്തതസഹചാരിയായിരുന്നു ഒരു ദേവീവിഗ്രഹം. ദീര്‍ഘ കാലത്തെ ഭജനയ്ക്കു ശേഷം ‘നിങ്ങളുടെ കൈവശമുള്ള ദേവീവിഗ്രഹത്തില്‍ എന്റെ സാന്നിധ്യം എപ്പോഴും ഉണ്ടാകും’ എന്ന് അവര്‍ക്കു ദേവിയുടെ അരുള്‍പ്പാട് ഉണ്ടായി. അവര്‍ ക്ഷേത്ര ദര്‍ശനവും തീര്‍ത്ഥാടനവുമായി നാടുചുറ്റി. പ്രായാധിക്യം കാരണം യാത്ര പറ്റാതെ വന്നപ്പോള്‍ ദേവി അവള്‍ക്കു ദര്‍ശനം നല്‍കി. പ്രതിഷ്ഠക്കു പറ്റിയ സ്ഥലം മലയാപ്പുഴയാണെന്നു ഉപദേശിച്ചത്ര. ദേവീ വിഗ്രഹവുമായി നമ്പൂതിരിമാര്‍ മലയാലപ്പുഴയില്‍ എത്തി പ്രതിഷ്ഠ നടത്തി.
ചരിത്രം

ആയിരത്തിലധികം വര്ഷത്തെ പഴക്കം ക്ഷേത്രത്തിനുണ്ട്. ക്ഷേത്രത്തിന്റെ ബലിക്കല്ലില്‍
കൊല്ലവര്ഷം 90 എന്ന് രേഖപ്പെടുത്തിയിട്ടുണ്ടായിരുന്നു. ദീര്ഘകാലം പന്തളം രാജാക്കന്മാരുടെ അധീനതയിലായിരുന്നു മലയാലപ്പുഴ കാലാന്തരത്തില് എളങ്ങല്ലൂര് (ഇടപ്പള്ളി) സ്വരൂപത്തിന്റെ ദേശങ്ങളിലൊന്നായി മാറി.

പ്രതിഷ്ഠ
ദാരിക നിഗ്രഹത്തിന് ശേഷം കോപത്താല്‍ ജ്വലിച്ച് ഉഗ്രരൂപ പൂണ്ടിരിക്കുന്ന ഭദ്രകാളിയാണ് മലയാലപ്പുഴയിലേത്. പ്രധാന വിഗ്രഹം അഞ്ചര അടി ഉയരമുള്ളതാണ്. കടു ശര്‍ക്കര യോഗത്തില്‍ തീര്‍ത്തിരിക്കുന്ന വിഗ്രഹമാണിത്. ദിവസേനയുള്ള അഭിഷേകത്തിനായും, ശ്രീബലിയ്ക്കായും മറ്റു രണ്ടു വിഗ്രഹങ്ങള്‍ക്കൂടി ശ്രീകോവിലില്‍ പ്രതിഷ്ഠിക്കപ്പെട്ടിട്ടുണ്ട്.

ഉപദേവതകള്‍

നാലമ്പലത്തിനു ഉള്ളില്‍ തന്നെ ശിവന്‍,ശാസ്താവ്,ഗണപതി,വീരഭദ്രന്‍ തുടങ്ങിയ പ്രതിഷ്ഠകളും നാലമ്പലത്തിനു വെളിയിലായി ബ്രഹ്മ രക്ഷസ്സ് ,മുഹൂര്‍ത്തി,നാഗദേവതകള്‍,സ്വയംഭൂ ശിവലിംഗം,യക്ഷിയമ്മ ക്ഷേത്ര മതിലിനു വെളിയിലായി മലനടയപ്പൂപ്പന്‍ എന്നിവയാണിവിടുത്തെ പ്രധാന ഉപദേവ പ്രതിഷ്ഠകള്‍.

പ്രത്യേകതകള്‍
ഭക്തവത്സലയും  അഷ്ടഐശ്വര്യ പ്രദായിനിയുമാണു മലയാലപ്പുഴയമ്മ. പുഴയൊഴുകുന്ന മലകള്‍ കാക്കുന്ന മണ്ണിന്റെ മധ്യത്തിലാണ് ദേവിയുടെ ഇരിപ്പിടം. മനവും തനുവും ഏകാഗ്രമാക്കിയുള്ള പ്രാര്‍ത്ഥനകള്‍ക്ക് അനുഗ്രഹ വര്‍ഷത്തിന്റെ പുണ്യം ചൊരിയുന്ന ക്ഷേത്രം. എണ്ണമറ്റ ഭക്തരുടെ അഭയസ്ഥാനമാണ് ഇവിടം. ശ്രീകോവിലിലെ ദേവീചൈതന്യം എല്ലാവര്‍ക്കും അമ്മയാണ്. ദുരിതപര്‍വത്തിന്റെയും പുണ്യപാപങ്ങളുടെയും ചുമടുകള്‍ ഭക്തര്‍ ഇറക്കിവെയ്ക്കുന്നത് ദേവിയുടെ തിരുനടയില്‍. ദേവീരൂപം ദര്‍ശിച്ച് അനുഗ്രഹവര്‍ഷം ഏറ്റുവാങ്ങി ഭക്തര്‍ മടങ്ങുന്നത് മന:ശാന്തിയുടെ പുണ്യവുമായി. നൂറ്റാണ്ടുകളുടെ പഴക്കമുള്ള ഈ മഹാ ക്ഷേത്രത്തിന്റെ അടിത്തറ ഭക്തരുടെ വിശ്വാസവും പ്രാര്‍ത്ഥനയുമാണ്. അപൂര്‍വ ചൈതന്യത്തിന്റെ കേദാരമായ ക്ഷേത്രത്തിന്റെ ഉത്ഭവത്തിനു ഐതിഹ്യത്തിന്റെ പിന്‍ബലമുണ്ട്.
ഉല്‍സവത്തിന് ദേവിയുടെ ചമയവിളക്കെടുക്കാന്‍ വ്രതാനുഷ്ഠാനത്തോടെ ധാരാളം സ്ത്രീകള്‍ എത്തുന്നു. സാധാരണ ക്ഷേത്രങ്ങളില്‍ നിന്നും വിത്യസ്തമായി പ്രായമേറിയ സ്ത്രീകളാണ് ഇവിടെ ചമയവിളക്ക് എടുക്കുന്നത്.ദേവിയുടെ ശ്രീഭൂതബലി.ഉല്‍സവബലി, ജീവത എഴുന്നെളളിപ്പ് എന്നിവക്ക് അകമ്പടിയായി ഭക്തര്‍ ചമയവിളക്ക് എടുക്കുന്നു. അവര്‍ക്ക് മലയാലപ്പുഴയമ്മ കണ്ണുനീര്‍ തുടയ്ക്കുന്ന തൂവലാകുന്നു. നൊമ്പരങ്ങള്‍ ഏറ്റുവാങ്ങുന്ന ആശ്വാസ തുരുത്തായി മാറുന്നു.

നിത്യവും പൂക്കുന്ന കണിക്കൊന്ന 

മലയാലപ്പുഴ ദേവീ ക്ഷേത്രത്തിലെ ഒരു വിസ്മയ കാഴ്ചയാണ്  മതില്‍കെട്ടിനുള്ളില്‍ സ്വയംഭൂ ശിവലിംഗത്തിന് സമീപമായി നിത്യവും പൂക്കുന്ന കണിക്കൊന്ന .ഇതേ പ്രതിഭാസമുള്ള  മറ്റൊരു ക്ഷേത്രം കൊടുങ്ങല്ലൂരിനു സമീപമുള്ള തിരുവഞ്ചിക്കുളം മഹാദേവ ക്ഷേത്രത്തില്‍ മാത്രമാണ്

പ്രധാന വഴിപാടുകള്‍

രക്തപുഷ്പാഞ്ജലി കോഴി വഴിപാട് ,മഞ്ചാടി വഴിപാട് ചുറ്റുവിളക്ക് ,പട്ടുടയാട ചാര്‍ത്തല്‍ ,നിത്യപൂജ,തൂണിയരി ,മുഴുക്കാപ്പ് ,മൃത്യുഞ്ജയ പൂജ, സഹസ്രനാമം മുഹൂര്‍ത്തിയ്ക്ക് നാളീകേരം മലനടയില്‍ വെറ്റില,പാക്ക് കരിക്ക് എന്നിവ സമര്‍പ്പിയ്ക്കല്‍ തുടങ്ങിയവയാണിവിടുത്തെ പ്രധാന വഴിപാടുകള്‍
ഉത്സവം
കുംഭ മാസത്തിലെ തിരുവാതിരയില്‍ തുടങ്ങി 11ദിവസം നീണ്ടുനില്‍ക്കുന്ന ഉത്സവകാലം .തിരുവിതാംകൂര്‍ ദേവസ്വം ബോര്‍ഡിന്റെ അധീനതയിലാണ് ക്ഷേത്ര ഭരണം .ഇവിടെയാണ് കേരളത്തിലാദ്യമായി ശതകോടി അര്‍ച്ചന മഹാമഹം നടത്തിയത്.

മകര പൊങ്കാല

മകര സംക്രമത്തിന്റെ അന്ന് (മകരം 1 ) ഭക്ത ജനങ്ങള്‍ അഭീഷ്ട സിദ്ധിയ്ക്കായി വൃതനിഷ്ഠയോടെ ദേവിയ്ക്ക് പൊങ്കാല അര്‍പ്പിയ്ക്കുന്നു.

തോമ്പില്‍ കൊട്ടാരം

മലയാലപ്പുഴ ക്ഷേത്രത്തിന്റെ മൂല സ്ഥാനമായ തോമ്പില്‍ കൊട്ടാരത്തിനും ഇവിടെ വളരെ പ്രാധാന്യമുണ്ട്.ജീര്‍ണ്ണാവസ്ഥയിലായിരുന്ന പഴയ കൊട്ടാരം അടുത്ത കാലത്ത് പ്രൌഡിയോടെ അടുത്ത കാലത്തായി പുന:നിര്‍മ്മിച്ച്‌ ആരാധന നടത്തിവരുന്നു.ക്ഷേത്രത്തില്‍ നിന്നും ഏകദേശം ഒരുകിലോമീറ്റര്‍ അകലെയാണ് തോമ്പില്‍ കൊട്ടാരം.

ദര്‍ശന സമയം

രാവിലെ : 4 .00 am -1. 00 pm,

വൈകുന്നേരം : 5.00  pm- 8.00 pm

ക്ഷേത്രത്തിലേയ്ക്കുള്ള വഴി

പത്തനംതിട്ട പുനലൂര്‍ പാതയില്‍ കുമ്പഴയില്‍ നിന്നും 6 കിലോമീറ്റര്‍ അകലം ക്ഷേത്രത്തി         ലേയ്ക്കുണ്ട്.പത്തനംതിട്ടയില്‍ നിന്നും നിശ്ചിത സമയങ്ങളില്‍ ക്ഷേത്രത്തിലേയ്ക്ക് പ്രത്യേക ബസ്സ്‌ സര്‍വീസ് ഉണ്ട് .

അടുത്ത റെയില്‍വേ സ്റ്റേഷന്‍ -ചെങ്ങന്നൂര്‍ റെയില്‍വേ സ്റ്റേഷന്‍ (34 km)

തിരുവല്ല റെയില്‍വേ സ്റ്റേഷന്‍ (35 km)

അടുത്ത വിമാനത്താവളം തിരുവനന്തപുരം അന്താരാഷ്ട്ര വിമാനത്താവളം (138 Km)

അടുത്ത വിമാനത്താവളം തിരുവനന്തപുരം അന്താരാഷ്ട്ര വിമാനത്താവളം (138 Km)

ക്ഷേത്ര മേല്‍വിലാസം

മലയാലപ്പുഴ ദേവീ ക്ഷേത്രം ,കുമ്പഴ മലയാലപ്പുഴ റോഡ്‌ ,മലയാലപ്പുഴ , പത്തനംതിട്ട ജില്ല – 689666

ഫോണ്‍ :0468 2300260, +91 468 2300260

10
Oct
   നവരാത്രി

                                                       നവരാത്രി

ഹൈന്ദവരുടെ ദേശീയ ഉത്സവമാണ് നവരാത്രി .ആരാധനയുടേയും നൃത്തത്തിന്റേയും ഒരു ഉത്സവവും കൂടിയാണ്.നവരാത്രി. ഒൻപത് രാത്രികൾ എന്നാണ് ഈ സംസ്കൃത പദത്തിന്റെ അർത്ഥം. ഒൻപത് രാത്രിയും പത്ത് പകലും നീണ്ടു നിൽക്കുന്ന ഈ ഉത്സവത്തിൽ ശക്തിയുടെ ഒൻപത് രൂപങ്ങളെ ആരാധിക്കുന്നു. നവരാത്രി ദിവസങ്ങളിലെ ആദ്യത്തെ മൂന്ന് ദിവസം ദേവിയെ പാർവ്വതിയായും അടുത്ത മൂന്ന് ദിവസം ലക്ഷ്മിയായും അവസാനത്തെ മൂന്ന് ദിവസം സരസ്വതിയായും സങ്കൽപ്പിച്ച് പൂജ നടത്തുന്നു.നവരാത്രങ്ങളിലെ പൂജകളെ നവരാത്രി പുജയെന്നും സരസ്വതീ പൂജയെന്നും ദുര്‍ഗാപൂജയെന്നും ലക്ഷ്മീപൂജയെന്നും വിശേഷിപ്പിക്കാറുണ്ട്‌. ശരത്കാലത്തിലെ ഈ ഒമ്പതു ദിവസങ്ങളിലും ഭാരതീയര്‍ വ്രതാനുഷ്ഠാനങ്ങള്‍കൊണ്ട്‌ ശാരീരികവും മാനസികവുമായ പവിത്രത കൈവരിച്ച്‌ സൃഷ്ടിയുടെ ആദിശക്തിയായ പരാശക്തിയെ ആരാധിക്കുന്ന ദിവസങ്ങളാണ്‌ നവരാത്രിപൂജയെന്നത്‌..

ഐതീഹ്യം

മഹാവിഷ്ണു യോഗനിദ്ര പ്രാപിച്ചപ്പോള്‍ അദ്ദേഹത്തിന്റെ കര്‍ണ്ണമലത്തില്‍നിന്നും മധു, കൈടഭന്‍ എന്നീ രണ്ടു രക്ഷസന്മാര്‍ ഉടലെടുക്കുകയും വിഷ്ണുവിന്റെ നാഭികമലത്തില്‍ വസിക്കുന്ന ബ്രഹ്മാവിനെ കൊല്ലാന്‍ വരികയും ചെയ്തു.  ഭീതനായ ബ്രഹ്മാവ് യോഗമായയെ പ്രാര്‍ത്ഥിക്കുകയും യോഗനിദ്രയില്‍നിന്നും വിഷ്ണുവിനെ ഉണര്‍ത്താന്‍ ആവശ്യപ്പെടുകയും ചെയ്തു. യോഗമായ ആ രക്ഷസന്മാരെ മായാവലയത്തില്‍പ്പെടുത്തി വിഷ്ണുവിനെക്കൊണ്ട് അവരെ കൊല്ലിക്കുന്നു. അങ്ങിനെ ബ്രഹ്മാവിനെ രക്ഷിക്കുന്നു. ഇവിടെ ദേവി താമസഗുണരൂപത്തില്‍ രക്ഷാസ്വരൂപിണിയായി അവതരിക്കുന്നു.

അസുരകളുടെ അധിപതിയായി മഹിസാരന്‍ എന്ന ഒരു അസുരന്‍ ഉണ്ടായിരുന്നു. ദേവന്മാരും അസുരന്മാരുമായുണ്ടായ യുദ്ധത്തില്‍ അസുരന്മാര്‍ ദേവന്മാരെ തോല്‍പ്പിച്ചു കീഴടക്കി ഇന്ദ്രസ്ഥാനം നേടി. അവരെ സ്വര്‍ഗ്ഗത്തില്‍ നിന്ന് രക്ഷനേടാന്‍ ദേവിയെ  സൃഷ്ടിച്ചു. എല്ലാവരും അവരവരുടെ ശക്തി ദേവിക്കു പകര്‍ന്നുകൊടുത്തു. ആയുധങ്ങള്‍ നല്‍കി. അങ്ങിനെ ത്രിമൂര്‍ത്തികളുടെ തേജസ്സില്‍ നിന്നു ജനിച്ച ദേവി മഹിഷാസുരനെ കൊലപ്പെടുത്തി. ദേവിയുടെ രജോഗുണ അവതാരമാണ് ഇവിടെ പ്രത്യക്ഷമാകുന്നത്. മഹിഷാസുരന്‍ രജോഗുണപ്രധാനിയാണ്.

പിന്നീട് ദേവി മഹാസുരന്മാരായ ശുംഭനേയും നിശുംഭനേയും വധിക്കുന്നു. ദേവന്മാര്‍ക്ക് അവരുടെ സ്ഥാനം വീണ്ടും ലഭ്യമാകുന്നു. അവര്‍ കാര്‍ത്ത്യായനി ദേവിയെ സ്തുതിക്കുന്നു. കാര്‍ത്ത്യായനി എന്നു പറഞ്ഞാല്‍ ധര്‍മത്തിനാധാരമായിരിക്കുന്ന ദേവി എന്നര്‍ത്ഥം. ഇത് സൂചിപ്പിക്കുന്നത് ദേവിയുടെ സാത്വികാവതാരത്തെയാണ്.

വിവിധ നവരാത്രി ആഘോഷങ്ങള്‍

ശരത് നവരാത്രി

ശൈത്യത്തിന്റെ ആരംഭമായ ശരത് ഋതുവിലാണ് (സെപ്റ്റംബർ‌-ഒക്ടോബർ) ശരത് നവരാത്രി ആഘോഷിക്കുന്നത്. മഹാ നവരാത്രി എന്നും പേരുണ്ട്. ദുർഗാ ദേവി മഹിഷാസുരനെ വധിച്ചതിന്റെ ഓർമയിക്കാണ് ഇത് ആഘോഷിക്കുന്നത്. ഇന്ത്യയുടെ മിക്ക ഭാഗങ്ങളിലും ആഘോഷിക്കപ്പെടുന്നുണ്ടെങ്കിലും കിഴക്കേ ഇന്ത്യയിലും തെക്കേ ഇന്ത്യയിലുമാണ് ഇതിന് കൂടുതൽ പ്രാധാന്യമുള്ളത്. വടക്കേ ഇന്ത്യയിൽ ചിലർ ബന്ദാസുര വധത്തിന്റെ ഓർമയിലാണ് ശരത് നവരാത്രി ആഘോഷിക്കുന്നത്.

വസന്ത നവരാത്രി

വേനലിന്റെ ആരംഭമായ വസന്ത ഋതുവിലാണ് (മാർച്ച്-ഏപ്രിൽ) വസന്ത നവരാത്രി ഉത്സവം. വടക്കേ ഇന്ത്യയിലാണ് ഇത് ആഘോഷിക്കപ്പെടുന്നത്.

അശാത നവരാത്രി

ജൂലൈ-ഓഗസ്റ്റ് മാസങ്ങളിലാണ് അശാത നവരാത്രി ആഘോഷിക്കുന്നത്. വരാഹിയുടെ ഉപാസകന്മാർക്ക് അഥവാ അനുയായികൾക്ക് വളരെ പ്രധാനപ്പെട്ടതാണ് ഈ ആഘോഷം. ദേവി മാഹാത്മ്യത്തിലെ ഏഴ് മാതൃകമാരിൽ ഒരാളാണ് വരാഹി. ഹിമാചൽ പ്രദേശിൽ ഗുഹ്യ നവരാത്രി എന്നാണിതിന് പേര്.

നവരാത്രി വിവിധ പേരുകളില്‍

ബംഗാളില്‍ ചണ്ഡീപൂജയെന്നും, കര്‍ണാടകത്തില്‍ ദസറയെന്നും, കേരളത്തില്‍ സരസ്വതീപൂജയെന്നും വിളിക്കപ്പെട്ടു പോന്നിരുന്ന നവരാത്രികാലം പ്രപഞ്ചചൈത്യത്തിന്റെ ശക്‌തിരൂപാരാധനയുടെ കാതലാണ്. ശക്തിയാണ് ശിവനേപ്പോലും അഥവ ബ്രഹ്മത്തേപ്പോലും ചലിപ്പിക്കുന്നത്. ഈ ശക്‌തിയുടെ ചലനാത്മകതയുടെ തുടര്‍പ്രവാഹമാണ്‌ ”കാലം.” എന്നെങ്കിലും ശക്‌തിയുടെ ചലനാത്മകത നിലയ്‌ക്കുമ്പോള്‍ കാലവും അവസാനിക്കുന്നു; ഒപ്പം പ്രപഞ്ചവും.

വിദ്യാരംഭം

എഴുത്തിനിരുത്തപ്പെടുന്ന കുട്ടിക്ക് ശക്‌തിപ്രദീക്ഷ നല്‍കുന്നതാണ് താന്ത്രികവിദ്യാദീക്ഷയുടെ മര്‍മ്മഭാഗം. മനുഷ്യ ശരീരത്തില്‍ ഏഴ് ശക്തി ചക്രപീഠങ്ങളുണ്ട്. മൂലാധാരം, സ്വാധിഷ്‌ഠാനം, മണിപൂരകം, അനാഹതം, വിശുദ്ധി, ആജ്‌ഞ തുടങ്ങിയ ഈ ചക്രങ്ങളിലൂടെ ശക്‌തി മന്ത്രാക്ഷരങ്ങള്‍ ഉപയോഗിച്ച്‌ ചൈതന്യലേഖനം നടത്തുന്ന ക്രിയയാണ് ശക്തിപ്രദീക്ഷ.ഇതിനു ശേഷം മാത്രമേ സര്‍വസാധാരണരീതിയിലുള്ള സാമാന്യ വിദ്യാരംഭക്രിയ നടത്തി പൂര്‍ണമാക്കുന്നു. മന്ത്രലേഖന സഹിതമായ ഈ മഹാവിദ്യാദീക്ഷ ലഭിക്കുന്ന കുട്ടി ഭാവിയില്‍ പണ്ഡിതനും സാഹിത്യകാരനുമായിത്തീരാം. വലിയ കലാകാരന്‍മാരോ കലാകാരികളോ ആയേക്കാം. പ്രഗത്ഭ നേതാക്കളും ആചാര്യന്‍മാരും ആയിത്തീരുന്നതിനും സാധ്യതകാണുന്നു. ഇങ്ങനെ മഹാശാക്‌തേയദീക്ഷ ലഭിക്കുകയെന്നത്‌ അനവധി ജന്മാന്തരങ്ങളിലെ മഹാപുണ്യംതന്നെയാകുന്നു എന്നത്‌ വസ്‌തുതയാണ്‌.നവരാത്രിയുടെ ഒന്നാമത്തെ ദിവസം ആയുധപൂജാ ദിനമായും സരസ്വതി പൂജാ ദിനമായും ആചരിക്കുന്നു

ആയുധ പൂജ

വനവാസം പൂര്‍ത്തിയായപ്പോള്‍ മരപ്പൊത്തിലുണ്ടായിരുന്ന ആയുധങ്ങളെല്ലാം എടുത്ത് ആ മരച്ചുവട്ടില്‍വച്ച് പൂജിച്ചു. വനദുര്‍ഗ്ഗയായും തിന്മകളെ അടക്കി നന്മകള്‍ക്ക് വിജയമേകുന്നവളായും മനസ്സില്‍ കരുതി ഒമ്പത് ദിവസം ദേവിയെ ആരാധിച്ച് ദശമിനാളില്‍ ആയുധങ്ങള്‍ തിരിച്ചെടുത്തു. അവര്‍ നവരാത്രി ദിവസം ആയുധങ്ങള്‍ വച്ച് പൂജിച്ചതിനാല്‍ ആയുധ പൂജ എന്നും അറിയപ്പെട്ടുതുടങ്ങി. നവരാത്രിയെ വിജയനവരാത്രിയെന്നും വന്നിനവരാത്രിയെന്നും ദുര്‍ഗ്ഗാനവരാത്രിയെന്നും വിശേഷിപ്പിക്കാറുണ്ട്. ഈ ആചാരത്തിന്റെ ഭാഗമായിട്ടാണ് ഇന്നും ആയുധപൂജ നടത്തുന്നതും നവരാത്രി ആഘോഷിക്കുന്നതും

നവരാത്രി വ്രതം

നവരാത്രി വ്രതം അനുഷ്ടിച്ചാല്‍ സര്‍വ്വ വിഘ്നങ്ങളും

മാറി ഐശ്വര്യം വരുമെന്നാണ് വിശ്വാസം. വ്രതം എടുക്കുന്നതിന് മുമ്പായി ലോക ഗുരുവായ ദക്ഷിണാമൂര്‍ത്തിയെയും മാതാപിതാക്കളെയും ഗുരുക്കന്മാരെയും മനസില്‍ ധ്യാനിച്ച് ശിവക്ഷേത്രത്തില്‍ പ്രാര്‍ത്ഥന നടത്തണം. കൂടാതെ അമാവാസി നാളില്‍ പിതൃപ്രീതി വരുത്തുകയും വേണം.മാതാപിതാക്കള്‍ ജീവിച്ചിരിപ്പില്ലെങ്കില്‍ തീര്‍ച്ചയായും പിതൃപൂജ നടത്തണം. ജീവിച്ചിരിപ്പുണ്ടെങ്കില്‍ നേരിട്ട് അവരെ വന്ദിച്ച് അനുഗ്രഹാശിസ്സുകള്‍ നേടണം. ഭക്ഷണത്തില്‍ എരിവ്, പുളി, ഉപ്പ് എന്നിവ പരമാവധി കുറയ്ക്കുകയും മത്സ്യം, മാംസം, മുട്ട എന്നിവ ഉപേക്ഷിക്കുകയും വേണം. ഒന്‍പത് ദിവസവും ഉപവാസമനുഷ്ഠിക്കണമെന്നാണ് വിധി. പരിപൂര്‍ണ്ണ വ്രതാനുഷ്ഠാനമായോ രാത്രി ഒരിക്കലായോ ഉപവസിക്കാം. പഴവര്‍ഗ്ഗങ്ങള്‍ കഴിക്കുന്നത് നല്ലതാണ്. മനസ്സ് ഭക്തിസാന്ദ്രമാക്കി സൂക്ഷിക്കുകയും മൈഥുനം പാടെ ഒഴിവാക്കുകയും വേണം. രണ്ട് നേരം കുളിച്ച് ക്ഷേത്ര ദര്‍ശനം നടത്തുന്നത് ഉത്തമമാണ്.ഈ ദിവസങ്ങളില്‍ ദേവീ മാഹാത്മ്യം വായിക്കുന്നതും ദേവീ സഹസ്ര നാമം ഉരുവിടുന്നതും ദേവീ മന്ത്രങ്ങള്‍ ജപിക്കുന്നതും ഉചിതമാണ്. നവരാത്രിക്കാലത്ത് കന്യകാ പൂജയും സുമംഗലീ പൂജയും ശ്രേയസ്കരമായിട്ടാണ് കാണുന്നത്. കാരണം നവരാത്രി ഭാരതത്തിലെ സ്ത്രീ ആരാധനയുടെ ശക്തമായ ആചാരമാണ്. നവരാത്രിയുടെ ആദ്യ ദിവസം രാവിലെ അംബികയെ പ്രതിഷ്ഠിച്ച് കലശസ്ഥാപനം ചെയ്യണം. ദേവീപ്രസാദം മാത്രം സേവിച്ച് തറയില്‍ കിടന്നുറങ്ങുകയും വേണം. പകല്‍ സമയം ശ്രീദേവി ഭാഗവതം പാരായണം ചെയ്യണം.

ഓരോ ദിവസവും അരിമാവ്, ഗോതമ്പുമാവ്, മുത്ത്, അക്ഷതം, കടല, പരിപ്പ്, മലര്‍, നാണയങ്ങള്‍, കര്‍പ്പൂരം എന്നിവ പൂജിക്കണം. മുല്ല, പിച്ചി, പാരിജാതം, ചെമ്പരത്തി, പനിനീര്‍പ്പൂവ്, താമരപ്പൂവ് എന്നിവ കൊണ്ടും ദേവിയെ പൂജിക്കാം. നമ്മുടെ തൊഴില്‍ ഉപകരണങ്ങള്‍, പുസ്തകങ്ങള്‍ എന്നിവ ചന്ദനവും കുങ്കുമവും തൊട്ട് പൂജിച്ച് വണങ്ങണം

നവരാത്രി പ്രധാനമായ കേരളത്തിലെ പ്രധാന ക്ഷേത്രങ്ങള്‍

പനച്ചിക്കാട് ദക്ഷിണ മൂകാംബികാ ക്ഷേത്രം

കേരളത്തിലെ കോട്ടയം ജില്ലയിൽ കോട്ടയം പട്ടണത്തിൽ നിന്നും 10 KM അകലെ, കോട്ടയം- ചങ്ങനാശേരി എംസീ റോഡിൽ ചിങ്ങവനത്ത് നിന്നും 4 KM കിഴക്കോട്ടു പനച്ചിക്കാട് ഗ്രാമപഞ്ചായത്തിലാണ് പ്രസിദ്ധമായ പനച്ചിക്കാട് മഹാവിഷ്ണു-സരസ്വതീദേവീ(ദുർഗ്ഗ) ക്ഷേത്രം. തെക്കിന്റെ മൂകാംബിക എന്ന് അർത്ഥം വരുന്ന “ദക്ഷിണ മൂകാംബിക” എന്നും ഈ ക്ഷേത്രം അറിയപ്പെടുന്നു. പ്രധാന പ്രതിഷ്ഠ പരമാത്മാവായ മഹാവിഷ്ണുവിന്റേത് ആണെങ്കിലും, ദുർഗ്ഗാഭാവത്തിലുള്ള സരസ്വതീക്ഷേത്രമായാണ്‌ ഇത് അറിയപ്പെടുന്നത്.ഹൈന്ദവ വിശ്വാസപ്രകാരം അറിവിന്റെയും ജ്ഞാനത്തിന്റെയും കലകളുടെയും കരകൌശലത്തിന്റെയും ഭഗവതിയാണ് സരസ്വതി. ആദിപരാശക്തിയായ ലോകമാതാവിന്റെ (ദുർഗ്ഗ) മൂന്നു പ്രധാന രൂപങ്ങളിൽ വിദ്യാദേവിയായി കാണുന്നത് സാത്വികയായ സരസ്വതിയെ തന്നെ. സൃഷ്ടാവായ ബ്രഹ്‌മാവിന് സൃഷ്ടി നടത്തുവാൻ ആവശ്യമായ അറിവ് നൽകുന്നത് മൂലപ്രകൃതിയായ സരസ്വതീദേവിയാണ് എന്ന് ഹൈന്ദവ വിശ്വാസം. ക്ഷേത്രത്തിലെ യഥാർഥ പ്രതിഷ്ഠ ഒരു കുഴിയുടെ ഉള്ളിൽ വെള്ളത്തിൽ മുങ്ങിക്കിടക്കുന്നു. ഇതുകൊണ്ട് പ്രതിഷ്ഠ കാണാൻ കഴിയുകയില്ല. മലമുകളിൽ നിന്ന് ഒലിച്ചുവരുന്ന ഒരു നീർച്ചാലിൽ നിന്നാണ് ഈ കുഴിയിലേക്ക് വെള്ളം ലഭിക്കുക. ഈ നീർച്ചാൽ കിഴക്കോട്ടൊഴുകി ഒടുവിൽ ഒരു നദിയിൽ ലയിക്കുന്നു. ഒരു കാട്ടുവള്ളിയും പടർന്നു നിൽക്കുന്നതു കൊണ്ട് ഭഗവതീ പ്രതിഷ്ഠ പൂർണ്ണമായും മറഞ്ഞിരിക്കുന്നു.ഈ ക്ഷേത്രത്തിലെ പ്രധാന ഉത്സവം സരസ്വതീപൂജയാണ്. മലയാള മാസം (കൊല്ലവർഷം) കന്നി, തുലാം മാസങ്ങളിലൊന്നിലാണ് സരസ്വതീപൂജ നടക്കുന്നത്. (സെപ്റ്റംബർ-ഒക്ടോബർ മാസങ്ങളിലായി ആണ് ഈ മലയാള മാസം വരുന്നത്). ഒൻപതു ദിവസം നീണ്ടു നിൽക്കുന്ന നവരാത്രി ഉത്സവത്തിന് ധാരാളം ഭക്തജനങ്ങൾ ദേവിയെ തൊഴാൻ എത്തുന്നു.

വിദ്യാരംഭം 

നവരാത്രിയുടെ അവസാന ദിവസമായ വിജയദശമി നാളിൽ കുട്ടികളെ എഴുത്തിനിരുത്തുന്ന വിദ്യാരംഭം ചടങ്ങ് നടക്കുന്നു. ഉത്സവത്തിന്റെ ഒൻപതു ദിവസവും ശാസ്ത്രീയ സംഗീത-നൃത്തങ്ങളുടെ ഒരു സാംസ്കാരിക മേളതന്നെ ക്ഷേത്രത്തിൽ നടക്കുന്നു. ദുർഗ്ഗാഷ്ടമി ദിവസം സരസ്വതീ സന്നിധാനത്തിൽ ഒരുക്കുന്ന രഥ മണ്ഡപത്തിൽ ഉൽക്കൃഷ്ടങ്ങളായ താളിയോല ഗ്രന്ഥങ്ങളും പുസ്തകങ്ങളും എഴുത്ത് സാമഗ്രികളും പൂജയ്ക്ക് വയ്ക്കാറുണ്ട്.

സാരസ്വതം നെയ്യ് 

പനച്ചിക്കാട്ടെ പ്രധാന വഴിപാടുകളിൽ ഒന്നാണ് സാരസ്വതം നെയ്യ്. ബുദ്ധിക്കും വിദ്യയ്ക്കും ഉണർവ് നൽകുന്ന ഈ ഔഷധം സാരസ്വത സൂക്തം വിധിയാം വണ്ണം ജപിച്ച് ശുദ്ധവും പൂർണ്ണവും ആക്കിയതാണ്.

 

മലയാലപ്പുഴ ദേവീ ക്ഷേത്രം

പത്തനംതിട്ട ജില്ലയിലെ കോഴഞ്ചേരി താലൂക്കിൽ മലയാലപ്പുഴ ഗ്രാമപഞ്ചായത്തിൽ സ്ഥിതിചെയ്യുന്ന ക്ഷേത്രമാണ് മലയാലപ്പുഴ ദേവീ ക്ഷേത്രം. ആദിശക്തി മാതാവിന്റെ അത്യുഗ്രഭാവമായ ഭദ്രകാളിയാണ് “മലയാലപ്പുഴ അമ്മ”. ദുർഗ്ഗ, ലക്ഷ്മീ, സരസ്വതീ (മൂകാംബിക) സങ്കല്പങ്ങളിലും ആരാധിക്കുന്നു. ആയിരത്തിലധികം വർഷത്തെ പഴക്കമുള്ള ക്ഷേത്രമാണിത്.[1] കടും ശർക്കര യോഗം കൊണ്ടാണ് വിഗ്രഹം നിർമ്മിച്ചിരിക്കുന്നത്. ദ്രാവിഡ ദേവി ക്ഷേത്രങ്ങളിലെ പ്രത്യേകതയായ പൊങ്കാല ഉത്സവം ഇവിടെയും പ്രധാനമാണ്. ഇതാണ് മകരമാസത്തിലെ “മകരപൊങ്കാല”. വെള്ളിയാഴ്ച ദിവസങ്ങളിൽ ധാരാളം ഭക്തജനങ്ങൾ ഇവിടെ എത്താറുണ്ട്. 7 വെള്ളിയാഴ്ച തുടർച്ചയായി ദർശനം നടത്തിയാൽ ആഗ്രഹസാഫല്യവും ഐശ്വര്യവും ഉണ്ടാകും എന്ന വിശ്വാസമാണ് ഭക്തരെ ആകർഷിക്കുന്നത്.

കൊല്ലം -പിഷാരിക്കാവ് ഭദ്രകാളീ ക്ഷേത്രം  

കോഴിക്കോട്‌ ജില്ലയില്‍ കൊയിലാണ്ടി -വടകര റൂട്ടില്‍ ആനക്കുളങ്ങര ബസ്സ്റ്റോപ്പിന്‌ അടുത്താണ്‌ കൊല്ലം പിഷാരികാവ്‌ ഭദ്രകാളീ ക്ഷേത്രം. കേരളത്തിലെ അതിപ്രശസ്തമായ ഒരു ദേവീക്ഷേത്രമാണ്‌. പഴയ കേരളത്തിന്റെ ജീവനായിരുന്ന സമ്പന്നരായ വൈശ്യന്മാര്‍ സ്ഥാപിച്ചതാണ്‌ ഈ ഭദ്രകാളീക്ഷേത്രം. പിഷാരികാവിലെ പ്രധാന മൂര്‍ത്തി ഭദ്രകാളിയാണ്‌. സപ്തമാതൃക്കളോടൊപ്പമാണ്‌ ഭദ്രകാളി പ്രതിഷ്ഠ. ശിവന്റെ ദര്‍ശനം കിഴക്കോട്ടും ഭദ്രകാളിയുടെ ദര്‍ശനം വടക്കോട്ടുമാണ്‌. ഭദ്രകാളിയുടെ ദര്‍ശനം വടക്കോട്ടാണെങ്കിലും ഇതിലൂടെ ആര്‍ക്കും പ്രവേശനമില്ല. ഭഗവതിയുടെ ശ്രീകോവിലിന്‌ മുമ്പിലാണ്‌ ശിവന്റെ ശ്രീകോവില്‍. അതിനാല്‍ പുറത്ത്നിന്ന്‌ നോക്കിയാല്‍ ഭദ്രകാളിയെ കാണാന്‍ സാധ്യമല്ല. സ്ത്രീകള്‍ക്ക്‌ ശിവന്റെ കിഴക്കേ നടയില്‍ക്കൂടി പ്രവേശനമില്ല. തെക്കേ നടയിലൂടെയാണ്‌ സ്ത്രീകള്‍ക്ക്‌ പ്രേവശനം.ഇവിടെ നവരാത്രി ആഘോഷം വിശേഷപ്പെട്ടതാണ്

 

ഈ വര്‍ഷത്തെ നവരാത്രി ആരംഭം -2018 ഒക്ടോബര്‍ -10 മുതല്‍ 19 വരെ

(കന്നിമാസം 24 –മുതല്‍ തുലാം 2 വരെ

Event Start date: 10/Oct/2018 

Event End date: 19/Oct/2018