കടലായി ശ്രീകൃഷ്ണ ക്ഷേത്രം
Kannur District, Kerala See in Map
Description

 

കണ്ണൂര്‍ ജില്ലയിലെ ചിറയ്ക്കല്‍ പഞ്ചായത്തില്‍ സ്ഥിതി ചെയ്യുന്ന പ്രസിദ്ധമായ ശ്രീകൃഷ്ണ ക്ഷേത്രമാണ് കടലായി ശ്രീകൃഷ്ണ ക്ഷേത്രം.വടക്കന്‍ കേരളത്തിലെ ഗുരുവായൂര്‍ എന്നാണു ഈ ക്ഷേത്രത്തിന്റെ ഖ്യാതി .

ചരിത്രം ,ഐതീഹ്യം

കോലസ്വരൂപമെന്ന രാജവംശത്തിന്റെ ആസ്ഥാനമായിരുന്ന കണ്ണൂരിലെ കടലായി വളഭന്‍ എന്ന രാജാവ് കടലായി കോട്ട പണിയിപ്പിച്ചു.ഇതിന്റെ പേര് ശിവേശ്വരം കോട്ട എന്നാണ്.ഈ കോട്ടക്കകത്തെ ക്ഷേത്രത്തില്‍ ആരാധിച്ച ദേവാനാണ് ഇന്നത്തെ ചിറക്കല്‍ കടലായി ക്ഷേത്രത്തിലെ ശ്രീകൃഷ്ണന്‍. കടലായി കോട്ട പണിത ശേഷം അകത്ത് ക്ഷേത്രംവേണമെന്ന ആഗ്രഹത്തിലായിരുന്നു വളഭന്‍ രാജാവ്.ഒരിക്കല്‍ തമ്പുരാന്‍ സന്ധ്യാ വന്ദനം കടല്‍ തീരത്ത് നടത്തുമ്പോള്‍ തിരമാലകള്‍ കരക്കടുപ്പിച്ച ഒരു മരത്തൂണ്‍ കാണാനിടയായി. ഒരു ശ്രീകൃഷ്ണ വിഗ്രഹം തൂണില്‍ കെട്ടിയിരുന്നു. താന്‍ നിര്‍മ്മിക്കുന്ന ക്ഷേത്രത്തില്‍ വിഗ്രഹം പ്രതിഷ്ഠിക്കാന്‍ അദ്ദേഹം തീരുമാനിച്ചു ആദ്യം ഉദ്ദവരും,പിന്നീട് രൂക്മണിയും സത്യഭാമയും പൂജിച്ച വിഗ്രഹമായിരുന്നു അത് . വിഗ്രഹത്തോടുള്ള അമിത ഭക്തി കണ്ട കൃഷ്ണന്‍ അത് കടലില്‍ എറിഞ്ഞു. കാലക്രമേണ അത് ചിറക്കല്‍ രാജാവിന്റെ കൈവശമെത്തി. വളര്‍പട്ടണം കോട്ട നിര്‍മ്മിച്ചതും വളഭനാണ്.ശിവേശ്വരം കോട്ടയുടെ അവശിഷ്ടങ്ങള്‍ ഇന്നും കാണാം

നൂറ്റാണ്ടുകള്‍ക്ക് മുമ്പ് ഈ പ്രദേശം (കോലത്തു നാട്) ഭരിച്ചിരുന്ന മൂഷിക രാജാവായ വളഭന് കടലില്‍ നിന്നും ലഭിച്ച വലതു കൈയ്യറ്റ നിലയിലുള്ള ശ്രീകൃഷ്ണ വിഗ്രഹം കണ്ണൂരിനു അല്‍പം തെക്ക് കടലായി(ഇപ്പോള്‍ ആദി കടലായി) എന്ന സ്ഥലത്ത് ക്ഷേത്രം പണിത് അവിടെ പ്രതിഷ്ഠിക്കുകയുംകാലത്തിന്റെ പടയോട്ടത്തോടൊപ്പം ടിപ്പു സുല്‍ത്താന്റെ വരവു കൂടിയായപ്പോള്‍ ആ ക്ഷേത്രം നാമാവശേഷമായി തീരുകയും ചെയ്തുപ. ടിപ്പുവിന്റെ പടയോട്ടത്തില്‍ ഭയന്ന ഈ ക്ഷേത്രത്തിലെ ശാന്തിക്കാരനും വാരിയരും വിഗ്രഹം ഇളക്കിയെടുത്ത് വാരിയത്തെ കിണറില്‍ സൂക്ഷിക്കുകയായിരുന്നു എന്നാണ് ഐതിഹ്യം.
പ്രതിഷ്ഠ

അഞ്ജന ശിലയില്‍ തീര്‍ത്ത നവനീത കൃഷ്ണനാണ് പ്രധാന പ്രതിഷ്ഠ

ഇവിടെ ഉപദേവ പ്രതിഷ്ഠകളില്ല

പ്രധാന വഴിപാടുകള്‍
പ്രധാന വഴിപാടുകള്‍ പാല്പായസം ,വെണ്ണ നിവേദ്യം ,
നെയ്യ്പ്പായസം,പുഷ്പാഞ്ജലി ,ഉദയാസ്തമന പൂജ

പ്രധാന ഉത്സവങ്ങള്‍

എല്ലാ വര്‍ഷങ്ങളിലും മകരം 18 മുതല്‍ 7 ദിവസങ്ങള്‍ ഉത്സവമായി കൊണ്ടാടുന്നു

ക്ഷേത്ര ദര്‍ശന സമയം
രാവിലെ

രാവിലെ 5. 45 മുതല്‍ 10.45 വരെയും ഉച്ചയ്ക്ക് 12.15 മുതല്‍ 1.30 pm വരെയും[ചൊവ്വാഴ്ച ദിവസങ്ങളില്‍ 2. 00 pm വരെയും ദര്‍ശനം നടത്താവുന്നതാണ്

വൈകുന്നേരം
5.45 മുതല്‍ 6.45 വരെയും ,പിന്നീട് ശക്തിപൂജ ശത്രുസംഹാര പൂജ എന്നിവയ്ക്കായി 7.15 നു വീണ്ടും നട തുറക്കുന്നു അതിനു ശേഷം പ്രസാദവിതരണത്തിന്‌ശേഷം നട ആദ്യക്കുന്നു.
ക്ഷേത്രത്തില്‍ എത്തിച്ചേരാനുള്ള വഴി
കണ്ണൂര്‍ പട്ടണത്തില്‍ നിന്ന് ആറു കിലോമീറ്റര്‍ അകലെ ചിറയ്ക്കല്‍ പഞ്ചായത്തില്‍എത്തി അവിടെ നിന്ന്   നിന്ന് ഒരു കിലോമീറ്റര്‍ തെക്ക് പടിഞ്ഞാറ് സഞ്ചരിച്ചാല്‍ ക്ഷേത്രത്തില്‍ എത്തിച്ചേരാം.കണ്ണൂര്‍ തളിപ്പറമ്പ് റൂട്ടില്‍ ക്ഷേത്രത്തിലേയ്ക്ക് ബസ് സൗകര്യം ലഭ്യമാണ്.

അടുത്ത റെയില്‍വേ സ്‌റ്റേഷന്‍:കണ്ണൂര്‍ റെയില്‍വേ സ്‌റ്റേഷന്‍6( km )

അടുത്ത വിമാനത്താവളം കോഴിക്കോട് അന്താരാഷ്ട്രവിമാനത്താവളം(103 km)

ക്ഷേത്ര മേല്‍വിലാസം
കടലായി ശ്രീകൃഷ്ണക്ഷേത്രംചിറയ്ക്കല്‍,പുതിയ തെരു കണ്ണൂര്‍ 670001
ഫോണ്‍:0467-2774920,mob:9495728445

02
Sep
ശ്രീകൃഷ്ണ ജയന്തി

ശ്രീകൃഷ്ണ ജയന്തി

ചന്ദ്രപഞ്ചാംഗ പ്രകാരം ശ്രാവണമാസത്തിലെ കറുത്ത പക്ഷത്തിലെ എട്ടാം ദിവസമായ അഷ്ടമിയും രോഹിണി നക്ഷത്രവും ചേരുന്ന അര്‍ധരാത്രിയാണ് ഭഗവാന്റെ ജനനം. ദ്വാപരയുഗത്തിന്റെ അവസാനവും കലിയുഗത്തിന്റെ തുടക്കത്തിലുമാണ് ശ്രീകൃഷ്ണന്‍ അവതരിച്ചത്. മറ്റൊരു വീക്ഷണത്തില്‍, ധര്‍മത്തിന്റെ നിലനില്‍പ്പിനും ഭഗവാനില്‍ ശരണം പ്രാപിക്കുന്നതിനുമുള്ള ഒരു അവസരം കൂടിയാണ് ശ്രീകൃഷ്ണജയന്തി. ഈ ദിനം കൃഷ്ണാഷ്ടമി, ഗോകുലാഷ്ടമി, അഷ്ടമി രോഹിണി, ശ്രീകൃഷ്ണ ജയന്തി, ജന്മാഷ്ടമി എന്നീ പേരുകളിലും അറിയപ്പെടുന്നു

ശ്രീകൃഷ്ണ അവതാരം

ദേവകളുടെയും മഹർഷിമാരുടെയും ആഗ്രഹപ്രകാരം മഹാവിഷ്ണു മനുഷ്യരൂപത്തിൽ ഭൂമിയിൽ ശ്രീകൃഷ്ണാവതാരം എടുത്ത ദിവസമാണു ചിങ്ങമാസത്തിലെ കറുത്തപക്ഷ അഷ്ടമിയും രോഹിണിയും ചേർന്നു വരുന്ന ദിവസം. ഹിന്ദു വിശ്വാസ പ്രകാരം ദ്വാപരയുഗത്തിൽ ജനിച്ച ഭഗവാൻ ശ്രീകൃഷ്ണൻ മനുഷ്യ ഭാവനകൾക്ക് അതീതനായ മഹാപുരുഷനാണ് . വസുദേവരുടെയും ദേവകിയുടെയും മക്കളില്‍ എട്ടാമനായി മധുരയില്‍ അമ്മാവന്‍ കംസന്റെ കാരാഗ്രഹത്തിലാണ് കൃഷ്ണന്‍ ജനിച്ചത്. കൃഷ്ണനുമുമ്പ് ജനിച്ച ആറ് മക്കളെയും കംസന്‍ കൊലപ്പെടുത്തിയിരുന്നു. എട്ടാമത്തെ മകനായി ചിങ്ങമാസത്തിൽ ബ്രഹ്മനക്ഷത്രങ്ങൾ ചേർന്നുനിന്ന കൃഷ്ണപക്ഷ അഷ്ടമിയും രോഹിണി നക്ഷത്രവും ചേർന്നു വരുന്ന അഷ്ടമി രോഹിണിയിൽ മധുരയിലാണു ശ്രീകൃഷ്ണൻ ഭൂജാതനായത്. കൽത്തുറുങ്കിൽ‌ രാത്രി 12 മണിക്ക് വിധാതാ രോഹിണിയെന്ന മുഹൂർത്തത്തിലാണു ജനിച്ചത്. ജനിച്ച ശേഷം കുഞ്ഞിനെ വസുദേവര്‍ വൃന്ദാവനത്തിലെ നന്ദഗോപരുടെ ഗൃഹത്തില്‍ എത്തിക്കുകയായിരുന്നു എന്നാണ് ഐതിഹ്യം. ചന്ദ്രൻ, ശനി, കുജൻ, ബുധൻ ഇവ ഉച്ചത്തിൽ സ്ഥിതി ചെയ്തു. ഇടവലഗ്നത്തിൽ കേതുവും ചന്ദ്രനും ചിങ്ങത്തിൽ സൂര്യനും മീനത്തിൽ വ്യാഴവും തുലാത്തിൽ ശുക്രനും വൃശ്ചികത്തിൽ രാഹുവും നിൽക്കുകയും ചെയ്തു. ശംഖ്, ചക്രം, ഗദ, പത്മം എന്നിവ വിലസുന്ന തൃക്കൈകളോടെയാണു ഭഗവാൻ അവതരിച്ചത്. എല്ലാ ദേവന്മാരും ആകാശത്തു കണ്ടുനിന്നതായി ചരിത്രം. അതു കഴിഞ്ഞ് ഏഴാംനാൾ കറുത്ത വാവായിരുന്നു എങ്കിലും തിങ്കള്‍പൗർണമിച്ചന്ദ്രനെപ്പോലെയാണു പ്രഭ ചൊരിഞ്ഞത്. ഈ ദിവസമാണു ശ്രീകൃഷ്ണജയന്തിയായും ഗോകുലാഷ്ടമിയായും ആചരിക്കുന്നത്. ദശാവതാരങ്ങളിൽ ഒൻപതാമത്തേതാണു ശ്രീകൃഷ്ണൻ. യദുവംശത്തിൽ ജനിച്ചു. കോടിക്കണക്കിന് ഹംസസ്വരൂപികളായ കൃഷ്ണഭക്തർ കണ്ണിലെ കൃഷ്ണമണി പോലെ ഉണ്ണിക്കണ്ണന്റെ രൂപം കണ്ട് ആസ്വദിച്ച് മനസ്സിൽ താലോലിച്ചു പ്രതിഷ്ഠിച്ച് ഭക്തിയിലാറാടുന്ന ദിനമാണ് അഷ്ടമിരോഹിണി.

ശ്രീകൃഷ്ണ ജയന്തി ആചരണം

മഹാവിഷ്ണു പൂര്‍ണകലയോടുകൂടി കൃഷ്ണനായി അവതരിച്ചത് അഷ്ടമിരോഹിണിനാളില്‍ അര്‍ധരാത്രിയിലായിരുന്നു എന്നു പുരാണങ്ങള്‍ പറയുന്നു. ഗോകുലാഷ്ടമി, കൃഷ്ണജയന്തി, ജന്മാഷ്ടമി എന്നീ പേരുകളിലും ഈ ദിനം അറിയപ്പെടുന്നു. അഷ്ടമിരോഹിണി ദിവസം അര്‍ദ്ധരാത്രി വരെ കീര്‍ത്തനം ചൊല്ലലും വ്രതാനുഷ്ഠാനവുമായി കഴിയണമെന്നാണ്. ഒരു നേരമേ ഊണു കഴിക്കാവൂ

കേരളത്തിലെ പ്രധാന ശ്രീകൃഷ്ണ ക്ഷേത്രങ്ങള്‍

ഗുരുവായൂര്‍ ശ്രീകൃഷ്ണ ക്ഷേത്രം

ക്ഷിണേന്ത്യയിലെ പ്രധാനപ്പെട്ട ഒരു കൃഷ്ണ ക്ഷേത്രമാണ് ഗുരുവായൂർ ക്ഷേത്രം. കണ്ണനെന്ന് കേൾക്കുമ്പോൾ തന്നെ ഭക്തരുടെ മനസ്സിലേക്ക് ആദ്യം ഓടിയെത്തുന്നതും ഗുരുവായൂർ ക്ഷേത്രം തന്നെ. ഗുരുവായൂർ പട്ടണത്തിൽ സ്ഥിതിചെയ്യുന്ന ഈ ക്ഷേത്രത്തിൽ മഹാവിഷ്ണു ഗുരുവായൂരപ്പനായി പ്രതിഷ്ഠിക്കപ്പെട്ടിരിക്കുന്നു.

അമ്പലപ്പുഴ ശ്രീകൃഷ്ണ സ്വാമി ക്ഷേത്രം

ചരിത്രവും ഐതീഹ്യവും ലയിയ്ക്കുന്ന അപൂര്‍വ്വം ക്ഷേത്രങ്ങളില്‍ ഒന്നാണ് അമ്പലപ്പുഴ ശ്രീകൃഷ്ണ ക്ഷേത്രം. പാർത്ഥസാരഥി സങ്കല്പത്തിൽ വലതുകൈയ്യിൽ ചമ്മട്ടിയും ഇടതുകൈയ്യിൽ പാഞ്ചജന്യവുമായി നിൽക്കുന്ന അപൂർവ്വം പ്രതിഷ്ഠയാണ് ഇവിടെയുള്ളത്. അമ്പലപ്പുഴ പാൽപ്പായസവും, അമ്പലപ്പുഴ വേലകളിയും അറിയാത്തവർ ആയിട്ടാരും തന്നെ ഉണ്ടാകില്ല. ഇതു രണ്ടും ഈ ക്ഷേത്രവുമായി ബന്ധപ്പെട്ടതാണ്.

തിരുവമ്പാടി ശ്രീകൃഷ്ണ ക്ഷേത്രം

തൃശ്ശൂരിലെ അതിപുരാതന കൃഷ്ണ ക്ഷേത്രങ്ങളിലൊന്നാണ് തിരുമ്പാടി ശ്രീകൃഷ്ണ ക്ഷേത്രം. തൃശ്ശൂർ പൂരത്തിന്റെ മുഖ്യ പങ്കാളികളിൽ ഒന്നായ ക്ഷേത്രമാണ് ഇത്. ടിപ്പു സുൽത്താന്റെ പടയോട്ട കാലത്താണ് ക്ഷേത്രത്തിന്റെ ചരിത്രവും തുടങ്ങുന്നത്. ടിപ്പുവിന്റെ പട്ടാളത്തെ ഭയന്ന് എടക്കളത്തുരിൽ നിന്ന് ശാന്തിക്കാരൻ എടുത്ത് ഓടിയ കൃഷ്ണ വിഗ്രഹമാണ് ഇവിടത്തെ പ്രതിഷ്ഠ. വടക്കെ അങ്ങാടിയിൽ കണ്ടൻ കാവിലായിരുന്നു ആദ്യ പ്രതിഷ്ഠ.

തിരുനാവായ നാവാമുകുന്ദ ക്ഷേത്രം

മലപ്പുറം ജില്ലയില്‍ സ്ഥിതിചെയ്യുന്ന ഒരു പുണ്യപുരാതന ക്ഷേത്രമാണ് തിരുനാവായ മുകുന്ദ ക്ഷേത്രം. ഭഗവാനോടൊപ്പം ശിവനെയും ഇവിടെകാണാന്‍ സാധിയ്ക്കുന്നതുകൊണ്ട് ഈ സ്ഥലം കാശിയ്ക്കു തുല്യമെന്നും പറയുന്നുണ്ട് ഇവിടുത്തെ മൂല പ്രതിഷ്ഠ നാവായ് മുകുന്ദനാണ്, നരായണനെന്നും അറിയപ്പെടുന്നുണ്ട്. നിന്നത്തിരുക്കോലത്തില്‍ പള്ളികൊള്ളൂന്ന ഭഗവാന്‍റെ തിരുമുഖ ദര്‍ശനം കിഴക്ക് ദിശയിലാണ്. മലര്‍ മങ്കൈ നാച്ചിയാരായ ലക്ഷ്മീദേവി, ശ്രീദേവിയെന്നും ഇവിടെ അറിയപ്പെടുന്നുണ്ട്.

തിരുപാല്‍ക്കടല്‍ ശ്രീകൃഷ്ണ ക്ഷേത്രം –കിളിമാനൂര്‍

വേണാട്ടു രാജാക്കന്മാര്‍ പണികഴിപ്പിച്ചതാണ് കീഴ്‌പേരൂര്‍ തിരുപാല്‍ക്കടല്‍ ശ്രീകൃഷ്ണ സ്വാമി ക്ഷേത്രമെന്നാണ് വിശ്വാസം. ക്ഷേത്ര തന്ത്രി ബ്രഹ്മശ്രീ മേമന തെക്കേടത്ത് കുഴിക്കാട്ട് ഇല്ലത്ത് പരമേശ്വരന്‍ വാസുദേവന്‍ ഭട്ടതിരി ഭാഗവത സപ്താഹ യജ്ഞത്തിനു ഭദ്രദീപംകൊളുത്തും. യജ്ഞാചാര്യന്‍ കാരോട് പരമേശ്വരന്‍ നമ്പൂതിരിയുടെ കാര്‍മികത്വത്തിലാണ് ചടങ്ങുകള്‍.

കടലായി ശ്രീകൃഷ്ണ ക്ഷേത്രം –കണ്ണൂര്‍

കണ്ണൂർ ജില്ലയിലെ ചിറക്കൽ ഗ്രാമപഞ്ചായത്തിൽ സ്ഥിതി ചെയ്യുന്ന ശ്രീകൃഷ്ണ ക്ഷേത്രമാണ്കടലായി ശ്രീകൃഷ്ണ ക്ഷേത്രം. അഞ്ജനശിലയിലുള്ള നവനീതകൃഷ്ണനാണ് ഇവിടത്തെ പ്രതിഷ്ഠ.വടക്കൻ കേരളത്തിലെ ഗുരുവായൂർ എന്ന് ഈ ക്ഷേത്രം അറിയപ്പെടുന്നുണ്ട്

അടൂര്‍ പാര്‍ത്ഥസാരഥി ക്ഷേത്രം

കേരളത്തിലെ പഴക്കമേറിയ കൃഷ്ണ ക്ഷേത്രങ്ങളില്‍ ഒന്നാണ് അടൂരുള്ള പാർത്ഥസാരഥി ക്ഷേത്രം. കേരളത്തില്‍ ഏറ്റവും അധികം സന്ദര്‍ശകരെത്താറുള്ള ക്ഷേത്രങ്ങളിൽ പ്രശസ്തമാണ് ഈ കൃഷ്ണക്ഷേത്രം. കൃഷ്ണനെ പാര്‍ത്ഥസാരഥിയുടെ രൂപത്തിലാണ് ഇവിടെ ആരാധിക്കുന്നത്. ഗണപതിയും, ശിവനുമാണ് ക്ഷേത്രത്തിലെ മറ്റു പ്രതിഷ്ഠകള്‍. ഭക്തിസാന്ദ്രമായ അന്തരീക്ഷമാണ് ഇവിടെയുള്ളത്

ആദികടലായി ശ്രീകൃഷ്ണ ക്ഷേത്രം –കണ്ണൂര്‍

വടക്കെ മലബാറിലെ പ്രധാനപ്പെട്ട ശ്രീകൃഷ്ണ ക്ഷേത്രങ്ങളിലൊന്നാണ് ആദികടലായി ശ്രീകൃഷ്ണ ക്ഷേത്രം . കണ്ണൂർ പട്ടണത്തിൽ നിന്നും 6 കി.മി. തെക്ക് കിഴക്കായി എടക്കാട് പഞ്ചായത്തിൽപ്പെട്ട ആദികടലായി എന്നാ സ്ഥലത്താണ് ഈ ക്ഷേത്രം സ്ഥിതി ചെയ്യുന്നത്

 

ആറന്മുള ശ്രീകൃഷ്ണ ക്ഷേത്രം

കേരളത്തിലെ ഏറ്റവും പഴക്കം ചെന്ന ക്ഷേത്രങ്ങളിലൊന്നാണ് ആറന്മുള ശ്രീ പാർത്ഥസാരഥി ക്ഷേത്രം . പത്തനംതിട്ട ജില്ലയിലെ ആറൻമുളയിൽ വിശുദ്ധനദിയായ പമ്പയുടെ തീരത്താണ് ഈ ക്ഷേത്രം സ്ഥിതി ചെയ്യുന്നത്. ചതുർബാഹു മഹാവിഷ്ണുരൂപത്തിൽ കുടികൊള്ളുന്ന പരബ്രഹ്മസ്വരൂപനായ ശ്രീകൃഷ്ണ പരമാത്മാവാണ് മുഖ്യ പ്രതിഷ്ഠ. ക്ഷേത്രം ആറന്മുള പഞ്ചായത്തിലും ക്ഷേത്ര മുൻഭാഗം മല്ലപ്പുഴശ്ശേരി പഞ്ചായത്തിലുമാണ്. ആഗ്രഹസാഫല്യത്തിനായി നടത്തുന്ന ആറന്മുള വള്ളസദ്യ ഇവിടത്തെ പ്രധാന വഴിപാടാണ്. ആയിരങ്ങൾ പങ്കു കൊള്ളുന്ന വിഭവസമൃദ്ധമായ സദ്യ ഉണ്ണുമ്പോൾ ഭഗവാന്റെ അനുഗ്രഹമുണ്ടാകും എന്നാണ് വിശ്വാസം. തിരുവോണത്തോണിയും, അഷ്ടമിരോഹിണി വള്ള സദ്യയും ഉത്രട്ടാതി വള്ളംകളിയും വഞ്ചിപ്പാട്ടിന്റെ താളവും പമ്പാ നദിയുടെ പുണ്യവും ആറന്മുള ക്ഷേത്രത്തെ പരിപാവനമാക്കുന്നു. ആറന്മുള കണ്ണാടി പ്രശസ്തമാണ്.

*****************************************************************************

ഈ വര്‍ഷത്തെ ശ്രീകൃഷ്ണ ജയന്തി -2018 സെപ്തംബര്‍ -2 (ചിങ്ങം-17-ന്)

*****************************************************************************************************

Event Start date: 02/Sep/2018 

Event End date: 02/Sep/2018