അന്നപൂര്‍ണ്ണേശ്വരി ക്ഷേത്രം, ചെറുകുന്ന്
Kannur District, Kerala See in Map
Description

കണ്ണൂരില്‍ നിന്ന് 18 കിലോമീറ്റര്‍ അകലെ ചെറുകുന്നില്‍ സ്ഥിതി ചെയ്യുന്ന പ്രസിദ്ധമായ ദേവീ ക്ഷേത്രമാണ് ചെറുകുന്ന്അന്നപൂര്‍ണ്ണേശ്വരി ക്ഷേത്രം .പരശുരാമന്‍ പ്രതിഷ്ഠ നടത്തിയ 108 ദുര്‍ഗ്ഗാലയങ്ങളില്‍ ഒന്നാണിത്.

ഐതീഹ്യം

കാശിയിലെ അന്നപൂര്‍ണേശ്വേരി 3 തോഴി മാരോടൊപ്പം കപ്പലില്‍ വന്നു. കരക്കിറങ്ങിയപ്പോള്‍ കപ്പല്‍ മുങ്ങിപ്പോയി .ദേവി വടക്കോട്ട് നടന്നു മാത്തത്തില്‍ അറക്കന്‍ എന്ന സ്ഥലത്ത് നിലയുറപ്പിച്ചു. പിന്നീടു അവിടെ നിന്ന് തൊട്ട ടുത്തുള്ള കൃഷ്ണ ക്ഷേത്രത്തിലേക്ക് പോയി അവിടെയുള്ള അഗ്ര ശാലയില്‍ വസിച്ചു .അവിടെ വന്നവര്‍ക്കെല്ലാം ഭക്ഷണം നല്കിയെന്നുമാണ്ഐതീഹ്യം.വില്വമംഗലം സ്വാമിയാര്‍ വന്നപ്പോള്‍ ദേവി നേരിട്ട് ഭക്ഷണം നല്കിയെന്നും മറ്റൊരു വിശ്വാസം കൂടിയുണ്ട്

ചരിത്രം

മൂഷിക രാജാവായ വല്ലഭന്‍ രണ്ടാമനാണ് അന്നപൂര്‍ണ്ണേശ്വരി ക്ഷേത്രം പണികഴിപ്പിച്ചത്. കാലപ്പഴക്കത്താന്‍ ക്ഷേത്രം നശിക്കാറായപ്പോള്‍ 1866ല്‍ അവിട്ടം തിരുനാള്‍ രാജാവ് ക്ഷേത്ര പുനര്‍നിര്‍മ്മാണം ആരംഭിച്ചു. അദ്ദേഹത്തിന്റെ കാലശേഷം കേരളവര്‍മ്മ രാജാവ് പണിപൂര്‍ത്തിയാക്കി.

പ്രതിഷ്ഠ

കൃഷ്ണനെയും അന്നപൂര്‍ണേശ്വേരിയെയും ഒരു നാലമ്പലത്തിനുള്ളില്‍ പ്രതിഷ്ഠ കിഴക്ക് ദര്‍ശനമായി നടത്തിയിരിയ്ക്കുന്നു. അന്നപൂര്‍ണേശ്വേരിയ്ക്കാണ് ഇവിടെ കൂടുതല്‍ പ്രാധാന്യം.ദേവിയുടെ പ്രതിഷ്ടയുടെ ചുറ്റമ്പലത്തില്‍ ഭക്തര്‍ക്ക്പ്രവേശനമില്ല .കൃഷ്ണന്റെ സഹോദരിയായ മഹാമായയാണ് ദേവി എന്നൊരു വിശ്വാസം കൂടെയുണ്ട് .

തളിപ്പറമ്പ് ശിവന്‍

തളിപ്പറമ്പത്തപ്പന്‍ ഇവിടെ വന്നു കുറച്ചു സമയം ചെലവഴിച്ചു. തളിപ്പറമ്പ് അപ്പന്‍ ദിവസവും രാത്രി ഇവിടെ വരാറുണ്ടെന്ന സങ്കല്പത്തില്‍ രാജരാജേശ്വരന് ചെയ്യേണ്ട വഴിപാടുകള്‍ ഇവിടെ അത്താഴ പൂജക്ക് ശേഷമേ ചെയ്യാറുള്ളൂ .ഇവിടെ ര!ണ്ട് നേരം പ്രസാദ ഊട്ട് ഉണ്ട് തെക്കേവാതില്‍മാടത്തില്‍ ഭഗവാന് സ്ഥാനസങ്കല്‍പ്പം ചെയ്തിട്ടുണ്ട്. അവിടെ സന്ധ്യയ്ക്ക് ദീപം കത്തിക്കലും പൂജാദികളൊന്നുമില്ല.

പ്രധാന വഴിപാടുകള്‍

നെയ്യമൃത്

അന്നപൂര്‍ണേശ്വരി ക്ഷേത്രത്തിലെ നെയ്യമൃത് സമര്‍പ്പണം പ്രസിദ്ധമാണ്. അത്താഴപൂജ കഴിഞ്ഞാണിത്. നെയ്യമൃത് എന്നാല്‍ ഇവിടെ രണ്ടുപാത്രമാണ്. ശിവപാര്‍വ്വതീ സങ്കല്‍പ്പമുള്ളതുകൊണ്ടാണിങ്ങനെ. ഈ സമയത്ത് തളിപ്പറമ്പ് ദേവന്‍ ഇവിടെ എത്തുമെന്നാണ് വിശ്വാസം. തളിപ്പറമ്പില്‍ നെയ്യമൃതാണ് വഴിപാട്. നെയ്യമൃത് കൊണ്ട് ഭക്തജനങ്ങള്‍ക്കുണ്ടാകുന്ന ഗുണമാണ് ഇത്രയും പ്രാധാന്യമുണ്ടാകാന്‍ കാരണമെന്നു അനുഭവസ്ഥര്‍ പറയുന്നു
അന്നദാനമാണ് ഇവിടുത്തെ പ്രധാന വഴിപാട്

പ്രധാന വിശേഷ ദിനങ്ങള്‍

നവരാത്രി

നവരാത്രി ഇവിടെ പ്രാധാന്യത്തോടെ ആഘോഷിച്ചു വരുന്നു

പ്രതിഷ്ഠ ദിനം

കുംഭമാസത്തിലെ പൂയത്തിന് പ്രതിഷ്ഠാദിനം ആചരിച്ചുവരുന്നു.

വിഷുവിളക്ക്

വിഷുവിളക്ക് ആണ് ഇവിടുത്തെ പ്രധാന ഉത്സവം.മേടം സംക്രമം മുതല്‍ ഏഴുദിവസമാണ് ഉത്സവം കൊണ്ടാടുന്നത്.ഉത്സവത്തോട് അനുബന്ധിച്ചുള്ള എഴുന്നെള്ളത്ത്,വിവിധ കരക്കാരുടെ കാഴ്ചവരവ് ,തുടര്‍ന്നുള്ള വെടിക്കെട്ട് ഇവ വളരെ വളരെ വിശേഷമാണ്.ഇവിടെ ആറാട്ട് ഇല്ല
ദര്‍ശന സമയം

ദര്‍ശന സമയം 5 AM -13 PM
5 pm – 8. 30 pm

ക്ഷേത്രത്തിലേയ്ക്കുള്ള വഴി

കണ്ണൂരില്‍ നിന്ന് 1 8 കിമി വടക്ക് പടിഞ്ഞാറ് തെക്കുമ്പാട് റോഡില്‍ കതിരുവെക്കും തറ ജംഗ്ഷന്‍ കണ്ണൂര് പഴയങ്ങാടി റൂട്ടില്‍ തറ ജംഗ്ഷനില്‍  നിന്ന് 500 മീ .യാത്ര ചെയ്താല്‍ ക്ഷേത്രത്തില്‍ എത്താം.

അടുത്ത പ്രധാന റെയില്‍വേ സ്‌റ്റേഷന്‍കണ്ണൂര്‍ റെയില്‍വേ സ്‌റ്റേഷന്‍ [ 18 km ]
അടുത്ത പ്രധാന വിമാനത്താവളംകോഴിക്കോട് കരിപ്പൂര്‍ അന്താരാഷ്ട്ര വിമാനത്താവളം[103 km ]

ക്ഷേത്ര മേല്‍വിലാസം
ചെറുകുന്ന് അന്നപൂര്‍ണേശ്വേരി ക്ഷേത്രം,കണ്ണപുരം,കണ്ണൂര്‍670301
ഫോണ്‍:+914972702398

31
Jul
ആറന്മുള വള്ളസദ്യ

                  ആറന്മുള വള്ളസദ്യ

ആറന്മുള ശ്രീ പാർത്ഥസാരഥിക്ഷേത്രത്തിൽ നടത്തുന്ന ആചാരനിബിഡമായ ചടങ്ങാണ് വള്ളസദ്യ.  കർക്കിടകം 15 മുതൽ കന്നി 15 വരെ അഭീഷ്ടസിദ്ധിക്കു നടത്തുന്ന വഴിപാടാണ്.പാണ്ഡവരിൽ മദ്ധ്യമനായ അർജ്ജുനൻ ഭഗവാൻ കൃഷ്ണനു സമർപ്പിച്ചതായി വിശ്വസിക്കുന്ന ഈ ക്ഷേത്രം ഏറ്റവും പുരാതനവും പ്രസിദ്ധവുമാണ്.അന്നദാനപ്രഭുവായ ആറന്മുളേശന്റെ മുമ്പിൽ ഭക്തൻ സമർപ്പിക്കുന്ന ഏറ്റവും വലിയ വഴിപാട് കൂടിയാണിത്.

വള്ള സദ്യയിലെ ചടങ്ങുകൾ

വള്ളസദ്യ വഴിപാട് നിരവധി ആചാര നിബിഡമായ ചടങ്ങുകളോടെയാണ് ആരംഭിക്കുന്നത്. വഴിപാട് സമർപ്പിക്കുന്ന പള്ളിയോടകരയിൽ നിന്നും അനുവാദം വാങ്ങിയാണ് സദ്യയ്ക്ക് ഒരുക്കങ്ങൾ തുടങ്ങുന്നത്. വഴിപാട് നടത്തുന്ന ഭക്തൻ അന്നേദിവസം രാവിലെ ശ്രീ പാർത്ഥസാരഥി ക്ഷേത്രത്തിലെത്തി കൊടിമരച്ചുവട്ടിൽ നിറപറ സമർപ്പിക്കുന്നതോടെ ചടങ്ങുകൾ ആരംഭിക്കും.

നിറപറ

രണ്ട് പറകളാണ് നിറയ്ക്കുന്നത്. ഒരു പറ ഭഗവാനും മറ്റൊന്ന് പള്ളിയോടത്തിനും എന്നാണ് സങ്കല്പം. ക്ഷേത്ര ശ്രീകോവലിൽ നിന്നും മേൽശാന്തി പൂജിച്ചു നൽകുന്ന മാലയും വെറ്റിലയും പുകയിലയുമായി അതാത് പള്ളിയോട കടവിലെത്തി പള്ളിയോടത്തെ യാത്രയാക്കുന്നു.കരനാഥന്മാർക്ക് വെറ്റില, പുകയില എന്നിവ കൊടുത്ത് വഴിപാടു നടത്തുന്നയാൾ കരമാർഗ്ഗം ക്ഷേത്രത്തിലെത്തണം.[3] ആറന്മുളയുടെ തനിമയിലും താളത്തിലുമുള്ള വഞ്ചിപ്പാട്ടുകൾ പാടിയാണ് പള്ളിയോടങ്ങൾ പമ്പാനദിയിലൂടെ തുഴഞ്ഞ് ആറന്മുള ക്ഷേത്രത്തിലെ വടക്കേ ഗോപുര നടയിലേക്കെത്തുന്നത്.രാമപുരത്ത് വാര്യരുടെ കുചേലവൃത്തം, ഭീഷ്മപർവ്വം, രാമായണം, ഭഗവദ്ദൂത്, നളചരിതം, സന്താനഗോപാലം, വെച്ചുപാട്ട് തുടങ്ങിയ വഞ്ചിപ്പാട്ടുകളാണ് ആറന്മുളയിൽ ഉപയോഗിക്കുക. കടവിലടുക്കുന്ന വള്ളത്തിനെ അഷ്ടമംഗല്യം, വിളക്ക്, താലപ്പൊലി, വായ്ക്കുരവ, വെടിക്കെട്ട്, മുത്തുക്കുട, നാദസ്വര മേളത്തോടുകൂടി സ്വീകരിയ്ക്കുന്നു.

അഷ്ടമിരോഹിണി വള്ളസദ്യ

അഷ്ടമരോഹിണി നാളിൽ സമൂഹസദ്യയൊരുക്കുന്നു. 52 പള്ളിയോടങ്ങൾക്കും അതോടൊപ്പം വരുന്ന ഭക്തജനങ്ങൾക്കും സമൂഹസദ്യയിൽ പങ്കുകൊള്ളാൻ സാധിക്കുന്നു.. അഷ്ടമിരോഹിണി വള്ളസദ്യ (സമൂഹസദ്യ)-യ്ക്ക്  സാധാരണ വള്ളസദ്യക്ക് വിളമ്പുന്നതിനേക്കാൾ വിഭവങ്ങൾ കുറവായിരിക്കും.

പ്രത്യേകതകള്‍

എല്ലാവർഷവും ജൂലായ്  പകുതിയോടെ (15 -ന്) തുടങ്ങുന്ന വള്ളസദ്യ അവസാനിക്കുന്നത് ഒക്ടോബർ 2- ന്  ആണ്. 51- വിഭവങ്ങൾ ചെർന്ന വിഭവസമൃദ്ധിയാർന്ന സദ്യയാണിത്. ഉപ്പേരികൾ തന്നെ നിരവധി തരമുണ്ടാകും. വിവിധതരം പായസങ്ങൾ, പാളത്തൈയ്ർ എന്നിവ പ്രത്യേക ശ്രദ്ധയർഹിക്കുന്നു. ഏതു വിഭവം എപ്പോൾ ചോദിച്ചാലും വിളമ്പുന്ന സദ്യയാണ് വള്ള സദ്യ എന്ന് പറയപ്പെടുന്നു. വള്ളക്കാർ വിഭവങ്ങൾ ചോദിക്കുന്നതും പാടിതന്നെയാണ്..

വള്ളസദ്യ ക്ഷേത്രങ്കണത്തിൽ വെച്ചാണ് നടത്തുന്നത്. പമ്പാനദിയിലുള്ള വള്ളം കളിക്ക് ശേഷം അഷ്ടമംഗല്യവും നിറപറയും നിലവിളക്കും വെച്ച് വഴിപാടുകാർ വള്ളക്കാരെ സ്വീകരിച്ചാനയിക്കുന്നു. വള്ളക്കാർ തുഴ ഉയർത്തിപ്പിടിച്ച് വള്ളപ്പാട്ട് പാടിക്കൊണ്ട് ക്ഷേത്രത്തിൽ പ്രദക്ഷിണം വയ്ക്കുന്നു. അതിനുശേഷമാണ് സദ്യയിൽ പങ്കുകൊള്ളുന്നത്. സന്താനലാഭത്തിനും രോഗശമനത്തിനും ശത്രുദോഷത്തിനുമായാണ് കരക്കാർ ഇത് വഴിപാടായി നടത്തുന്നത്. സദ്യ കഴിഞ്ഞ് വിശ്രമത്തിനുശേഷം കരക്കാർ യാത്രയാകുമ്പോൾ കളഭം, പനിനീർ എന്നിവ കൊടുത്തും വെറ്റില പുകയില എന്നിവ ചവക്കാൻ നൽകിയും യാത്രയയക്കുന്നു.

വള്ളസദ്യ വിഭവങ്ങള്‍

ചോറ്, പരിപ്പ്, പപ്പടം, പപ്പടവട, നെയ്യ്, അവിയൽ, സാമ്പാർ, തോരൻ, പച്ചടി, കിച്ചടി, നാരങ്ങാ കറി, ഇഞ്ചിപ്പുളി, ഉപ്പുമാങ്ങ, എരിശ്ശേരി, കാളൻ, ഓലൻ, രസം (കറി), പാളതൈര്, മോര്, അടപ്രഥമൻ, പഴം പ്രഥമൻ, കടലപ്രഥമൻ, പാൽപ്പായസം, ഉപ്പേരി (നാലുകൂട്ടം), കദളി വാഴപ്പഴം, എള്ളുണ്ട, ഉഴുന്നുവട, ഉണ്ണിയപ്പം, കൽക്കണ്ടം, ശർക്കര, നെല്ലിക്കാ അച്ചാർ, തേൻ, പഴം നുറുക്ക്, മുന്തിരിങ്ങ, കരിമ്പ്, മെഴുക്കുപുരട്ടി, ചമ്മന്തിപ്പൊടി, തകരയിലക്കറി, മാങ്ങാപ്പഴക്കറി, ചേമ്പില തോരൻ, ചുക്ക്വെള്ളം എന്നിവയാണ് പ്രധാന വിഭവങ്ങൾ.വള്ളസദ്യയുണ്ണാൻ വരുന്നവർക്കൊപ്പം ഭഗവാനും ഉണ്ടായിരിക്കും എന്ന വിശ്വാസത്തിൽ എല്ലാവരേയും നല്ല പോലെ സൽകരിക്കുന്നു.

 

ഈ വര്‍ഷത്തെ വള്ളസദ്യ- 2018 ജൂലായ്‌ 31 മുതല്‍ ഒക്ടോബര്‍-1 വരെ

Event Start date: 31/Jul/2018 

Event End date: 01/Oct/2018